LG Optimus 3D 逼真動作遊戲系列

LG網路達人, 好生活特刊, 生活點子, 產品情報, 首頁 2011年9月7日 5:34pm

  • 點樣先可以用LG Optimus 3D 享受打機嘅樂趣?當然要揀返隻又逼真又好玩嘅動作遊戲啦!今日會同大家介紹兩款係game 迷都識嘅ARPG遊戲Assassin's Creed™ - Altaïr's Chronicles同 Spider-Man: Total Mayhem!

    首先介紹Assassin's Creed™ - Altaïr's Chronicles,有玩過各大主機嘅玩家對刺客信條系列肯定非常熟識!



    遊戲畫面採用全3D圖像處理,再加上LG Optimus 3D嘅3D顯示屏及雙核處理器,操作起來完全不會窒窒下,畫面極之流麗順暢!

    Assassin's Creed™ - Altaïr's Chronicles 將動作遊戲的要素同中東美術風格融合起來,再加上爽快嘅動作節奏,及將遊戲畫面強化3D 高清版本,實在係你部LG Optimus 3D嘅必玩之選!



    遊戲採用虛擬控桿操作,遊戲一開始時只有跳躍同踢罐嘅按鈕,但隨住劇情發展就可以用武器攻擊,不論輕攻擊還是重攻擊都應付自如!

    刺客,當然係要偷襲啦!(趁人訓覺時?)



    http://www.youtube.com/watch?v=T2Pndn3GBKY

    Spider-Man: Total Mayhem以家喻戶曉嘅蜘蛛俠為主角嘅動作遊戲,玩家將飾演國民英雄蜘蛛俠,兼喺陷入混亂嘅城市中打擊罪惡,拯救陷入危險嘅市民。再加上全3D畫面,令你好似投入蜘蛛俠電影一樣!(仲要係3D版呢!)



    操作方面以幾個簡單按鈕表現蜘蛛俠縱躍飛騰、敏捷打擊、吐絲纏繞等特點,連蜘蛛俠特有嘅危機預感都有,當蜘蛛俠陷入危機時,玩家只要點擊左下角嘅閃電按鈕就可以施展緊急迴避,甚至可以乘勢反擊!



    劇情上都係延續蜘蛛俠儆惡懲奸嘅橋段,玩家可以睇到蜘蛛俠系列中著名嘅反派人物,好似沙魔、八爪魚博士、綠魔等人登場,絕對係有實力嘅作品!



    蜘蛛俠嘅招牌招式 ---- 爬牆!

    http://www.youtube.com/watch?v=s-xQ060GAus